LUKA 15:3 - Cho Bible Common Language 2016

³ Cun ah kya khätah Bawipa Jesuh naw, shin ah m’tumtäng nak cu pe gui ci.

LUKA 15:3 Referans Kwoze

LUKA 15:2

Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

LUKA 15:4

“Nangmi ung kaa, chang tumat ung htome phiaa om ci ung kaa, tumat a maih ung a i ah kyak khai ang? Ani naw k’pawih ba ciah ko-kip-lei-ko cu khu ah li nak ah nawng gui shüt netah, maih ciah htome cu, kä ah hmuh ba pha ah chuih shui ba khai nei.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

ISAIAH 65:19

Kei ka mät phi Jerusalem la ak chang gui ah phäh ah yeikyai nak awn ka be khai nei. A cun ung kyah nak kä om khai, M’htei vai ah ng’hui nak kä am khai.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

MATTHE 10:6

Maih ciah hto gui ah kyak ciah Israel chang gui ah om nak ah hteit ne,

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

JOHAN 21:16

Ak hnih vai nak ah Bawipa Jesuh naw, “Johan ah hta Simon, kei na nam hni ci ang” cine ng’shi ba mä ci. Peter naw, “Ä ya Bawipa, kei naw ka ning m’hni cu nang naw na hmat ci nei” ci ba ci. Bawipa Jesuh naw, “Ka htome gui nam htei vai nei bäi” ci ba ci.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.