LUKA 15:29 - Cho Bible Common Language 2016

²⁹ A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

LUKA 15:29 Referans Kwoze

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

ROMAN 10:3

Ngami naw, Khanpughi naw chang gui ang düng sak nak gui ah lam cu kä hmu u netah, cun ah lam ung kä hteh ah, ami mät naw k’tha na ne ami pyan ah lam ung hteit ci gui.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

LUKA 19:21

Nang cu na nget aih ci kyasei ka ning kyih ci. Nang cu kä na kaa phi na lak ci, kä na geit phi na khäm ci ci,” cine pyein ci.

LUKA 18:9

Amät naw amät chang khän ah ngai ne, chang k’shedam nak ciah chang gui-am Bawipa Jesuh naw, shin ah m’tumtäng nak cu m’thein gui ci.

LUKA 17:10

A cun ah mäih ah nangmi cun phi; ami ning bi sak gui avan nami bi yawp ung, “Keimi cu changshäm düt ah kami kyak ci, kami bi vai ah kyak ci cu, kami bi ah kyak ci nei, nami ci vai” ci ne m’cäi gui ci.

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

MATTHE 20:12

Cun ah kya khätah ami ghüh gui naw, shin ah chang gui cu nayi ät ashäng hta vah bi bi tuk ci gui, keimi mü ne khohni ling ung kami bik ci. Cun ung phi nang naw ngami awn a täng düt ah na na cheng gui ci nei,’ cine lo mah ah pyein ba ci gui.

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

ROMAN 3:27

Cun ah kya sei mikmi mi khähghah nak vai om khai ang! A i kä om ci nei. A i ah kya sei ang! Thukhän mi läk u sei ang! Cun ah kä kyak ci, Khanpughi mi yum ah hmawk ah kyak ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

LUKA 15:28

A hta ng’vai pi m’lungshe ne, kyong ah kä luh tu ba ah om ci. Apa cu akpung ah lut law ne a hta ng’vaipi kyong ah aluh law tu ba vai ah ng’ge püi ci.

LUKA 15:30

Nang pa ah khawchaam gui la ne hteh püi ne, chang pawmya gui awn a täng ah m’di m’dap yawp netah, law ba ciah ani läi-am seipat ak plan pi na ngawn pek ci nei” cik ci.