LUKA 15:28 - Cho Bible Common Language 2016

²⁸ A hta ng’vai pi m’lungshe ne, kyong ah kä luh tu ba ah om ci. Apa cu akpung ah lut law ne a hta ng’vaipi kyong ah aluh law tu ba vai ah ng’ge püi ci.

LUKA 15:28 Referans Kwoze

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

1 SAMUEL 18:8

Saul naw cun cu kä hni ne, ak tä ah m’lung she ci. Ani naw, “Ngami naw David ah phäh ah phia gha ah a gha ah pyen ci gui, kei ah phäh ah phia gha bäng ah pyen ci gui. Ngami naw ani cu ghangpughang ah hmoh hlük ci gui nei.

LUKA 15:2

Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

MATTHE 20:11

Cun ung phi, ngami phi tangka aphe ci bä gah tuk ci gui.

1 SAMUEL 17:28

David naw chang gui ang thu püi gui cu a phäi ang vai pi Eliab naw ng’yak ci. Ani cu David ah khan ah m’lung she neta, shin ung a i na haw lawk ci ang? Bung hmu ah na htawme gui cu a u naw ang a shäm? Nang changshe hta! Ng’tuk na teng tu düt khai ah na lawk ci nei” cik ci.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

ROMAN 10:19

Cun kawn ah ka ning shi ba gui hlü cu, “Israel chang gui naw cun ah a mawng cu kä hmuhmat man u ne maa! Khanpughi naw Moses ung ak htük bäih ah am hlan nak cu; Kei naw ka khü ah changpakhui gui cu mang ne Ka chang gui cu kam thüi sak gui khai; Chang pakhui k’she gui awn Ka chang gui cu kam lung k’she sak gui khai,” ciah kyak ci.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

MAKUH 1:40

Kheilei ung gaw ciah chang tumat cu Bawipa Jesuh ah pei ah law ne, m’khukdong netah, “Bawipa nang yak hlü a om ung kei cu na theek gai sak ä” cine ng’yoi ci.

LUKA 15:27

A cun ah chang naw, “Na nau cu ghing gai ne gawk law ba sei, napa naw seipat ak plan pi ngawn pek ci nei” cik ci.

LUKA 15:29

A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

JEREMIAH 35:16

Jonadabah htangshon gui naw ami pupa ah pek ah thumkhän cu läk ci guim cun ung phi nangmi naw kei kä na nami na ngai ci.