LUKA 15:22 - Cho Bible Common Language 2016

²² Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,

LUKA 15:22 Referans Kwoze

THU PHLAAN 6:11

Cun gui-am suinu a bawk bäng bäng pe gui netah, ngami ah mäih ah ami ngawn gui vai ah, ami teihpüi gui la ami phäi nau gui, ah ming a khüm güt, a shäng hta ami ng’düm vai ah m’cäi gui ci.

ESTA 8:2

Ghangpughang naw m’hnütnak om ciah a kutcüp cu, Haman ah ka la ba ne, Mordekai am pek ci. Esther naw Mordekai cu Haman ah khawh m’htei khai ah tha ci.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ESTA 3:10

Thushäu akcang ah dang khai ah m’hnüt ne k’bäi nak vai ah, akutcüp cu ghangpughang naw suut neta, Jew chang gui ah ami ga ah kyak ciah Haman, Hammedatha ah hta, Akak ah ng’shon am pek ci.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

SOLOMON NG’Ä~ 7:1

A i hlawk ah yeinak vai ah na kyak ciah hnumi hta ang, nang cu! Phahnak cun ciah na khaw cu a i hlawk ah kyom ci ang? Nang ah na phei khaw cu pung sawi thei ciah sawi awn täng ci nei.

SAM 132:9

Na taigüpa gui naw angtäi sei düng nak cu bi u sä; Na chang gui cu yei ne m’lau u sä!

SAM 45:13

Manghta ng’la cu mang im ung om ci — a ni cu kyom aih ci nei! Ani ah pänsam cu ghui pyai awn tah ah kyak ci.

SAM 18:33

Ka khaw cu kigang ah khaw ah mäih ah na yaang sak ne, m’htung lai ah phawng ne na ng’düih sak ci.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

EPHESIAN 6:15

dimdeih nak ah Thu Ni ng’shäu nak ah kyak ciah phahnak cu nami ng’cum vai nei.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

SAM 132:16

Kei naw a taigüpa gui cu ami bi nak phung ung hriham ka pe gui khai, a chang gui naw yei ne m’lau ne ng’äi m’cu khai gui.

THULÄÄN NAK 33:25

Ani ah gawnu gui cu m’sii m’kawt gui awn ng’vong u sä. Acun cu angtäi sei geing bawi na ne om sä.”

LUKA 15:21

A hta naw, “Kapa aw, kei cu Khanpughi la nang Kapa ah khan ah kat nak ka bi pyi ci nei. Cun ah kyasei, nang kapa ah hta ah kä ka khin ba ci nei” cik ci.

LUKA 15:23

Ak plan pi bäih ah seipat ngawn vä, ei aw ne mi yeikyai khai nei.