LUKA 15:21 - Cho Bible Common Language 2016

²¹ A hta naw, “Kapa aw, kei cu Khanpughi la nang Kapa ah khan ah kat nak ka bi pyi ci nei. Cun ah kyasei, nang kapa ah hta ah kä ka khin ba ci nei” cik ci.

LUKA 15:21 Referans Kwoze

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

1 KORIN 8:12

Ashikchaa ah nangmi cu nami khritha phäinau cheishoh na u ne, Bawi Khrih phi nami cheishoh nak ci, aktha ken ciah m’lung phi nami sheit sak ci nei.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

LUKA 15:22

Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,