LUKA 15:20 - Cho Bible Common Language 2016

²⁰ Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

LUKA 15:20 Referans Kwoze

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

EPHESIAN 2:13

Cun ung phi tuhbäi Bawi Khrit Jesuh ung nami kawng ät pyi ci kia sei, Khanpughi awn nami ng’shawng te ciah nang mi cu, Bawi Khrit a sih nak awn nami ng’et pyi ci nei.

ISAIAH 49:15

Cun ah kyasei Bawipa naw m’shang gui ci, “Hnumi tumat naw amät ah hta hta cu m’hnih hning khai aw? A hta nak ah a hmaw cu kä m’hni ah om khai aw?

ATÜNNAK 33:4

Esau cu dawng law neta Jakob cu kyawp ne ng’ui sei ani nik hnih kyap ci goi.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

ISAIAH 57:18

“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.

ATÜNNAK 46:29

Joseph cu ng’sehle ng’cum ne apa hmuk khai ah Koshen ah lawk ci. Ng’hmu law ni neta, Joseph naw apa cu a hnü ung kyawp ne aksho kyap ci.

ATÜNNAK 45:14

Cun kawn ah anau Benjamin cu kyawp ne kyap sei, Benjamin naw phi kyawp tuba ne kyap ci.

LAMKTU 20:37

Ngami naw Paul cu, kyap ne kyawp ne, ng’uui hnam u ne, gidam ci gui.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

2 SAMUEL 14:33

Cun ah kyasei Joab cu Ghangpughang David ah hteit ne Absalom ah pyen cu m’thein ci. Ghangpughang naw chang tüi ne Absalom cu khü ci. Absalom cu hteit ne, ama ah m’dek ung kawp ne, chang m’sui ci. Ghangpughang naw dou ne ng’ui ci.

LUKA 15:19

Nang kapa ah na hta ah kä ka khin ba ci nei, ci ne ka pyein khai” cik ci.

LUKA 15:21

A hta naw, “Kapa aw, kei cu Khanpughi la nang Kapa ah khan ah kat nak ka bi pyi ci nei. Cun ah kyasei, nang kapa ah hta ah kä ka khin ba ci nei” cik ci.