LUKA 15:2 - Cho Bible Common Language 2016

² Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

LUKA 15:2 Referans Kwoze

MATTHE 9:11

Acun gui cu Pharisee gui naw hmuh u netah, “Nami saya cu a i ah kiasei, shin ah changshe gui awn vun vai ne a ei awk tu ang?” ci ne ang düihpüi gui cu ng’shik ci gui.

LUKA 19:7

Acun gui hmu u netah, chang gui naw, “shin ah chang cu kat nak bik ciah im ah kai khai ah hteit ci nei” cine ng’htau ci gui.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

LAMKTU 11:3

Ngahmi naw, “Nang cu vun aat nak kä bik ci gui ah chang gui ah hteit ne ngami awn a täng ah na ei awk tuk ci nei” ci nak ci gui.

LUKA 7:34

Chang ah Htapa law ne, ei ne aw sei, ‘ei aw aih ci, changshe gui la akhawn look ci gui ng’khawtsheng püi gui ci’ nami cik ci.

KALATIAN 2:12

Ani cu chang khui hei phäi nau gui awn vun vai ne ei aw te ci, cun ung phi James ah tüih law ah chang gui ami gawk law kawn ah, khui hei gui awn vun vai ne kä ei aw ba ci. A i ah kyasei ci ung ani naw, khui hei gui-am vun-ah nak kä bi sak tu gui vai ah pyein ciah chang gui cu a kyih su ah kyak ci.

MATTHE 11:19

Chang ah Htapa cu ei ne, aw ne law sei phi, nangmi naw, ‘Teng tu vä, shin ah chang cu, ei aih aw aih ci nei. Akhawn look ci gui la changshe gui ah teihpüi ah kyak ci nei,’ cine nami pyein ci. Khanpughi ah hmuhmat nak akcang ah a kyak cu, acun ah hmuhmat nak ungka gawk lawk ciah, a mawng gui naw ng’dang sak ci gui nei” cine pyein ah gui ci.

LUKA 15:3

Cun ah kya khätah Bawipa Jesuh naw, shin ah m’tumtäng nak cu pe gui ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,