LUKA 15:16 - Cho Bible Common Language 2016

¹⁶ Ani cu vawk gui-am vuh ah m’lui tawi gui düt ei law hluk ci. Cun ung phi ani-am a u naw a i phi kä m’bei tuk ci.

LUKA 15:16 Referans Kwoze

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

NG’ÄI KYAH 4:5

Buh akni pi ei man ciah chang gui cu lam gui ung ei cawi ne sik ci gui. Bämang nak ung ng’shüm lawk ci gui naw ami ei vai bäng ng’ya hlük ci gui.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

SAM 73:22

kei cu ui ai ah mäih ah kya ne; nang ah mawng cu kä ka ning hmat ci nei.

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

LUKA 15:15

Cun ah kyasei, cun ah chang tumat cu pan ne om tuk ci. Cun ah chang naw, ani cu lo ah vawk gui ngäng sak ci

LUKA 15:17

Cun ah kho ah ani cu akcang ah ng’yu ba netah kapa ah im ah bi bik ci gui ah chang gui hngaw ami phü ah ei awk ci gui. Kei läi shin ung ang htai ah cawi gha ne ka gein vai ci.

JOB 30:4

Ngami naw kho ng’gau kho ah sing phung hta gui cu mawi ne ei ci gui. Kä tui hlim ciah phaipheih sing ah a pya phi ei ci gui.