LUKA 15:13 - Cho Bible Common Language 2016

¹³ Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

LUKA 15:13 Referans Kwoze

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

NG'THU K'THUUK~ 29:3

Nang naw cüivai nak nak tung nak ung, napa naw nang awn khähghah khai. Gu ang ciah chang naw chang hlawhhlang ung a ngui ng’pyi sak ci.

NG'THU K'THUUK~ 21:17

Läma nak, yu awk nak, mang ei ung hlim tui nak gui naw kä ning bühmang sak hlawt khai.

NG'THU K'THUUK~ 28:7

Thukhän läk ciah changnong cu lunglang ciah kyak ci. Kä nik ciah chang awn khawtsheng ciah chang cu, apa ah thüi nak vai ah kyak ci.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

LUKA 16:1

Bawipa Jesuh naw ang düihpüi gui-am, “Hngü ät ung bühmang ciah chang ung a changvai tumat om ci. Ani naw mang ah khawhchaam gui cu ei mang m’di m’dap yawp ci, cine chak ci gui.

LUKA 15:30

Nang pa ah khawchaam gui la ne hteh püi ne, chang pawmya gui awn a täng ah m’di m’dap yawp netah, law ba ciah ani läi-am seipat ak plan pi na ngawn pek ci nei” cik ci.

MIKHAH 6:3

Bawipa naw, “Ka chang gui aw, a i ang ka ning bi pek gui man, a i ah ka ning khüikha sak gui man? Na m’shang vä.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

ISAIAH 30:11

Kami lam ung ka, ng’nawn vä, kami lam kä shung en vä. Nangmi ah theingcim ciah gsvaek khanpughi ah mawng kä kami ng’ya hlük ci nei.”

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

NG'THU K'THUUK~ 27:8

A im kä m’tho ba ciah chang cu ang bu nawng ciah kha awn täng ci.

NG'THU K'THUUK~ 21:20

Cüivai ci gui cu bühmang ne, läma ne om ci gui. Cun ung phi chang ang laam gui naw, ami ngui cu ami gah vai am mang yawp ci gui.

NG'THU K'THUUK~ 18:9

Amdam ah chang cu dishum ciah chang ah maih ah shekak ci.

NG'THU K'THUUK~ 6:26

Chang tumat naw hlawhlaang ciah hnumi cu m’htut pum ät ah phu awn gah khai. Cun ung phi pawmyau ciah hnumi naw a khawh avan pyi pek khai.

SAM 73:27

Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.

2 PETER 2:13

Ngahmi cu chang ami nat sak ah mäih ah ami mät phi nat nak gah khai gui. Ngami cu hnüüp lunglai ung ei aw läma u ne, ami pumsa ng’yakhlü cu dap sak ci gui. Ngami cu nangmi awn atäng ah ngoh om ei aw u ne, om shek ci gui, hleeihlak nak awn yeikyai ci gui.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

EPHESIAN 2:13

Cun ung phi tuhbäi Bawi Khrit Jesuh ung nami kawng ät pyi ci kia sei, Khanpughi awn nami ng’shawng te ciah nang mi cu, Bawi Khrit a sih nak awn nami ng’et pyi ci nei.

LUKA 15:12

“kei naw ka gah tu vai ah khawh cu k’pai ne na pe ä” cik ci. Cun ah kyasei apa naw, a khawh cu a hta goi-am k’pai goi ci.

LUKA 15:14

A ngui avan ng’pyi khätah acun ah kho ah cawi khaih nak kho yaw sei ani cu ang htei ah cawi gha lawk ci.