LUKA 14:3 - Cho Bible Common Language 2016

³ Bawipa Jesuh naw, “Kyin hnüüp ung gawpram ci gai sak vai ang?” cine pharisee gui la thukhän saya gui cu ng’shi gui ci.

LUKA 14:3 Referans Kwoze

MATTHE 12:10

Pum im kyong ah a kut vangtäng shum ciah chang tumat om ci. Bawipa Jesuh naw katnak abi vai cu däät ne m’kat hlük ciah chang gui naw, “Kyin hnüüp ung gaw nak gai sak hning vai ang?” cine ng’shik ci gui.

LUKA 6:9

Cun kawn ah Bawipa Jesuh naw, “Ming’thukhän ung, kyin hnüüp ung ak’ni bi vai ang, akshe bi vai ang, a om? Chang phiawn sak vai ang? chang ngawn vai ang? ka ning shi gui ci nei” ci na gui ci.

MAKUH 3:4

Cun kawn ah Bawipa Jesuh naw, “mikmi ah thukhän a i ah mäih ah ang a om? kyin hnüüp ung akni bi vai ang, akshe bi vai ang? chang phiawn sak vai ang, m’di m’dap vai ang?’ cine ng’shi gui ci. Ngami cu api ah phi kä chiu ne om ci gui.

JOHAN 7:23

Akhmaw tumat kyin hnüüp ung vun-aat ne kyon ah hmawk ah Moses ah thukhän kaan ah kä ah kyak ung; a i ah kyasei kyin hnüüp ung akgaw ka gai sak ah hmawk ah nami m’lungshe ang?

MATTHE 22:35

Ngami ungka thukhän saya tumat naw, thuvi ne ngaihtüh netah;

MATTHE 12:2

Cun cu pharisee gui naw hmu u netah, “Teng shüm ä, na düihpüi gui naw kyin hnüüp ung ami bilawh cu ng’thukhän awn hnu ng’tuk ci nei,” cik ci gui.

LUKA 14:2

Bawipa Jesuh ah a pei ah khonu ung gaw ciah chang tumat cu gawk law khätah,

LUKA 14:4

Cun ung phi ngami cu kä chiü ne om ci gui. Bawipa Jesuh naw akgaw cu khü ne gai sak netah, hteh ba sak ci.