LUKA 14:15 - Cho Bible Common Language 2016

¹⁵ Bawipa Jesuh awn a täng ah pawi ung om tuk ciah chang tumat naw, cun ah ng’thu cu ng’ya netah, “Khanpughi ah uknak kho ah khin ei vai tuk ciah chang cu, yeikyai nak om ci” ci khätah;

LUKA 14:15 Referans Kwoze

THU PHLAAN 19:9

Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

LUKA 13:29

Chang gui cu a htum a siip ak khei ak kiang ah kaa law u ne, Khanpughi ah uknak pawi ung hteit khai gui.

MATTHE 25:10

Kä lunglang ci gui cu yinan hleih khai gui ah ami hteh yah ung chumah khai ah pamihta cu gawk lawk ci. Ana ngäng ge ciah lamihta gui cu ani awn a täng ah hta m’um pawi kyong ah lut u netah shoh cu ak khai shüt ci gui.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

MATTHE 8:11

Kei naw akcang ka pyein cu, shin ah mäih yum nak cu Israel chang gui ung kä ka hmu man ci. Chang akda cu hni law lam la hni kiaak lam ah ka Law u ne, Abraham ni, Isaak ni, Jakob ni gui awn a täng ah vunvai ne ei auk khai gui.

LUKA 22:16

Kei naw ka ning m’thein gui cu, “Khanpughi ah uknak kho ung shin ah mü-ei ei ah mawng, kä ang dang pha ah chuih kei naw kä ka ei ba khai” cine pyein ci.