LUKA 14:13 - Cho Bible Common Language 2016

¹³ Cun ah kyasei khin chah nak pawi na bi law ung; ghawipyam ci gui, akut khaw ng’khem ci gui, amik hna kak ci gui, khü gui ne na tumbei gui vai.

LUKA 14:13 Referans Kwoze

LUKA 14:21

Ak chang tüih cu law ba ne, acun gui avan cu im mah-am m’thein law ba ci. Im mah cu m’lungshe netah, “Lam kyum lam k’cawh, k’htawk-kem yung ah hteit ne, ghawipyam ci gui, akutkho ng’khem ci gui, amik hnga kak ci gui, khü gui ne law püi gui ä,” ci ne tüi ba ci.

ISAIAH 58:10

Ei cawi ciam ei m’bei ne, gein vai ciah chang m’htei htang ne, nami lüak ung, nami pei leng yung ak hmüp avan cu hnüüp ng’lung lai ah mäih ah dei ne khang khai nei.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

MATTHE 22:10

Chang shäm gui cu lam tung ung hteit u ne, ami hmuh phung chang ni changshe avan khü lawk ci gui. Cun ah kyasei hta m’um nak ah im ung khin gui be ci gui.

THULÄÄN NAK 16:14

Nami hta nau gui, nami changshäm gui, Levit gui, khaw hei chang gui, hmei hta gui, hmeinu gui, nami gawnu ung om ci gui nami van a täng ah yeikyai vä.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

THULÄÄN NAK 14:29

Cun cu Levit gui ah hmawk ah kyak ci. Ngami khaw kä tak ci gui, khaw hei chang gui, hmeinu gui, hmeihta gui, nami gawnu ung om ci gui ah phäh ah phi kyak ci. Ngami cu law u ne ami ng’yak hlü cu gah khai gui. Cun ah nami bi vai, cun ung Bawipa nami Khanpughi naw, nami bi nak päng ung hriham ning pe gui khai.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

JOB 29:13

Ak nui pi am lung geinvaici gui naw kei cu na m’tam ci gui. Hmeinu gui phi m’lung üp nak ami gah vai ah ka m’htei gui ci.

NEHEMIAH 8:12

Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

2 SHONTÄP NAK 30:24

Ghangpughang Hezekiah naw chang gui naw ngawn ne ami ei vai ah vantang phia gha la htome phia chih kip cu pe gui ci, cun kawn ah a bawi gui naw phi vantang phia gha la htome phia phia cu pe gui ci gui. Taigü gui akda cu hteit u ne theingthap nak cu bik ci gui.

2 SAMUEL 6:19

ami van am ei phi pe tak gui ci. Ani naw Israel hnumi pami päng am, m’htut pum ät, meh ket ng’zang ät la ak theih gui cu pe gui ci.

TITUS 1:8

Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.

PHILIMON 1:7

Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

LUKA 11:41

Cun ah nami bi ung nangmi ah hmawk ah avan theingthap khai nei.

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

MATTHE 15:30

Chang gui naw akho khem, amik m’dauh, ak shum, ak ang gui la gawpai ci gui akda a pei ah law u sei, gai ba sak gui ci.

LUKA 14:12

Cun kawn ah Bawipa Jesuh naw, im mah-am, “Nang cu ngawi ei, mü ei chang-am tumbei ne na khin chah law nak ung, na teihpüi gui, na phäi nau gui, na mätyah gui, bühmang ciah na paw chang gui, cu khü ne kä na tumbei gui vai. Cun ah na tumbei gui ung nang phi ning khü tuba ne acun ah ning tumbei tu ba khai gui.

LUKA 14:14

Cun ung nang ah khan ah yeikyai nak om khai, a i ah kya sei ci ung ngami naw nang cu kä ning tumbei tuba hlawt khai gui. Chang k’ni gui sih nak ungka ami thawh law ba hnüüp ung na bi nak cu Khanpughi naw ning m’thung ba khai.