LUKA 14:1 - Cho Bible Common Language 2016

¹ Kyin nak ah hnüüp ät ung Bawipa Jesuh cu Pharisee ang vai tumat ah im ah ei ei tuk khai ah hteit ci: cun yah ung Bawipa Jesuh cu chang gui naw adäm ah m’kein ci gui.

LUKA 14:1 Referans Kwoze

MAKUH 3:2

Cun ung om ciah chang gui naw Bawipa Jesuh ah a katnak cu hmu hlü u netah, kyin hnüüp ung cun ah a kut shuum ciah chang cu a gai sak la kä a gai sak ah teng kheng ci gui.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

LUKA 11:37

Bawipa Jesuh cu cun ah ng’thu a pyein kawn ah a im ah ei ei vai ah pharisee tumat naw khü law sei hteit tu ne ei ei vai ah ngo tuk ci.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

SAM 41:6

Kei na teng lawk ci gui cu kä ng’awi gi ci gui; Ngami cu ng’bum u ne, kei ah mawng akshe ah pyen ci gui, ami hteh nak päng ah ngak ci gui.

LUKA 6:7

Pharisee gui la thukhän saya gui cu, Bawipa Jesuh ami m’kat nak vai a mawng shui hlü u netah, kyin hnüüp ung cun ah a kut shum gai sak hman khai cine teng ci gui.

NG'THU K'THUUK~ 23:7

“Law ä, ng’khap ba ä!” cik khai, cun ung phi akcang ah kä kyak ci. Ani ah ngaih cu ahei.

SAM 37:32

Changshe naw changni cu ng’mün ne ngawn vai ah tha nak ci.

JOHAN 3:1

Jew chang gui ah ng’vaipi Nikodemus ming nak ciah pharise tumat cu, khomü ät ung Bawipa Jesuh ah om nak ah law netah,

LAMKTU 5:34

Cun ung phi Gamaliel ming nak ciah Pharisee tumat cu, kawngsi yungah ng’düi law netah ang düihpüi gui cu ashäng ak pung ah ami hteh püi gui vai ah pyein ci. Ani cu chang gui naw ami chang m’sui tu ah ng’thu m’khän saya ah kyak ci.

MATTHE 12:12

Chang cu htome ah mä hlüngtai pi ci. Cun ah kyasei m’htei phyak ci m’htei tu vai cu, thukhän naw phi khüng ci,” cine kyak na gui ci.

LUKA 14:2

Bawipa Jesuh ah a pei ah khonu ung gaw ciah chang tumat cu gawk law khätah,

LUKA 17:20

Pharisee amshah gui naw, “Khanpughi ah uknak kho cu a i yah ung gawk lawk khai ang?” cine Bawipa Jesuh cu ng’shik ci gui. Bawipa Jesuh naw, “Khanpughi ah Uknak kho cu mik awn hmuh vai ah dang ciah kä kyak ci.