LUKA 13:34 - Cho Bible Common Language 2016

³⁴ “Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

LUKA 13:34 Referans Kwoze

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

LUKA 23:28

Bawipa Jesuh naw, cun ah hnumi gui lam ah ng’hlat netah, Jerusalem ah hnumi gui aw, kei ah hmawk ah kä kyap u ne, nami mät la nami hta gui ah hmawk ah nami kyah vai.

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

MATTHE 22:6

Ahei tumat cu sumlei khai ah hteit ci, amshah gui naw khü lawk ciah chang gui cu pha ne tuthat ci gui.

MATTHE 22:3

Ani naw ak changshäm gui tüi gui ne, akhü tu ah chang gui cu khü sak gui ci. Cun ung phi a u kä law hlü khätah,

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

SAM 81:13

Ka chang gui naw ami na ngaih vai ka m’hni aih ci; ami na läk vai phi ka m’hni aih ci nei!

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 7:59

Cun ah lung awn ami vawih yah ung Stephen cu, “Oh Jesuh Bawipa kamumcha na yuk la peä” cine taigü ci.

LUKA 15:28

A hta ng’vai pi m’lungshe ne, kyong ah kä luh tu ba ah om ci. Apa cu akpung ah lut law ne a hta ng’vaipi kyong ah aluh law tu ba vai ah ng’ge püi ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

SAM 17:8

Na mik cang awn na tengkhen ä; na ng’phia hniim ung na thup ä,

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”