LUKA 13:31 - Cho Bible Common Language 2016

³¹ Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

LUKA 13:31 Referans Kwoze

MATTHE 14:1

Cun yah ung Kalile kho uk ciah Herod naw Bawipa Jesuh ah a mawng cu ng’ya netah,

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

MATTHE 14:3

Herod naw Johan cu anau Philip ah chu, Herodias ah mawng awn pha ne thawng ung a chum te ah kyak ci.

MATTHE 14:6

Herod ah ang tüi nak hnüüp ung Herodias ah hta hnumi hta cu mang khin gui ah ma ah ak ni ah lam khätah, Herod cu ang htei ah yei ci.

LUKA 9:7

Kalile kho uk ciah Herod mang cu Bawipa Jesuh ah bi ng’ya netah ang htei ah ang ngaih awng-aa ci, A i ah kyasei ci ung chang am shah naw, “Tuihnim saya Johan tho ba ci nei” cik ci.

LUKA 23:7

Herod mang ah uknak Kalile ah kaa ah hmat netah, Bawipa Jesuh cu Herod ah hteh püi sak gui ci. Cu yah ung Herod cu Jerusalem ah om yah ci.