LUKA 13:27 - Cho Bible Common Language 2016

²⁷ Cun ung phi ani naw, “Nangmi a hawi kaa nami lawk ciah kä ka ning hmat gui ci, chang k’she gui a hei ah hteit vä”

LUKA 13:27 Referans Kwoze

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

SAM 119:115

Shekak ciah chang gui a hei ah hteit vä. Kei cu ka Khanpughi ah thumkhän ka läk khai nei.

LUKA 13:25

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 101:8

A hnüüp, a hnüüp tä sei mi khaw ung om ciah akshe gui cu ka m’di gui khai; changshe gui cu Bawipa ah mang gaw ungka naw ka k’tääm gui khai.

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.

SAM 5:6

Hleei cicu na m’di ci, Chang ngawn ci la thuvi cicu na päipih ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

MATTHE 25:12

Cun ung phi chumah ciah pamihta naw, ‘Nangmi a u gui ang, shoh kä ka ning ak hmawn gui khai nei,’ cine kyak na gui ci.