LUKA 13:19 - Cho Bible Common Language 2016

¹⁹ A i awn m’tumtäng vai ang? Khanpughi ah uknak kho cu shin ah mäih ah kyak ci. Anhta ui cu chang tumat naw la netah, a lo ma ah geit ci. A ui cu ng’lih pyou ne phung ghing law sei, ang ban ung kha gui ngo ne ng’bu tuk ci gui” cik ci.

LUKA 13:19 Referans Kwoze

DANIEL 4:12

A hnah gui cu kyom ci, am theih gui cu a ghing ung be ci — khomdek khan avan ungka naw a ei vai ah ng’büh ci. A cun ah ang hnin ung khisa gui ng’yii ci gui, ang ban gui ung kha gui ng’bu tuk ci gui, ak ghing nici naw a cun ah m’theih cu ei ci gui.

DANIEL 4:21

a hnah gui cu kyom ci, am theih gui cu khomdek khan avan ah ei ng’büh vai ah kyak ci. Khisa gui a ka ah ng’yii ci gui, ang ban gui ung kha gui ng’bu tuk ci gui.

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

EZEKIEL 31:6

Acun ah ang’ban gui ung kha nü nü naw ami ng’bu tuk ci gui; Khisa gui phi acun ah ang hnim ka ah hta ci gui; Acun ah ang hnim ka ah khomdek khan ah changpakhui gui cu ng’düm ng’taang ci gui.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

SOLOMON NG’Ä~ 6:2

Kei ah ka m’hni cu a u-yin ah hteit ci, acu ah sing ui sing gui tho ci. Ani naw u-yin kyong ah aseime gui vuh ne tuili chei gui m’htei ci.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

SOLOMON NG’Ä~ 8:13

Ka m’hni aw, u-yin ungka naw na k’aw cu na ng’yak sak ä; Kei ah ka paw gui naw na ng’thu ng’yak vai ah ngäng ci gui nei.

SOLOMON NG’Ä~ 4:16

A siip ah khokhi, tho law. A htum ah khokhi, ka u-yin ung khi law; khokhi cu tui ng’ui awn be sak ä. Kei ah ka m’hni cu ani ah u-yin ung law ne, a cun ah m’theih akni pi gui cu ei sä.

SOLOMON NG’Ä~ 4:12

Ka m’lungung tuihlim ciah ng’lami hta cu, ghei ah u-yin, vongpang ah u-yin, m’hnüt ah tuilawng ah mäih ah kyak ci nei;

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

MAKUH 4:30

Cun kawn ah Bawipa Jesuh naw, “Khanpughi ah uknak kho cu a i awn m’tumtäng vai ang? A i awn m’tumtäng ne m’dang vai ang?