LUKA 13:14 - Cho Bible Common Language 2016

¹⁴ Cun ah Bawipa Jesuh naw pum hnüüp ung ak gaw am gai ba ah, phäh ah pum im ngäng cicu m’lung k’she netah, “Bi bi nak vai kho hnüüp chuk om ci. Acun yah ung law ne gai nak nami ng’yoih law vai, Pum hnüüp ung kä nami law-en vai,” cine chang gui am pyen na gui ci.

LUKA 13:14 Referans Kwoze

PHYAWN NAK 20:9

Nangmi cu hnüüp chuk ung nami bii, nami bi vai,

MATTHE 12:2

Cun cu pharisee gui naw hmu u netah, “Teng shüm ä, na düihpüi gui naw kyin hnüüp ung ami bilawh cu ng’thukhän awn hnu ng’tuk ci nei,” cik ci gui.

LUKA 6:7

Pharisee gui la thukhän saya gui cu, Bawipa Jesuh ami m’kat nak vai a mawng shui hlü u netah, kyin hnüüp ung cun ah a kut shum gai sak hman khai cine teng ci gui.

LUKA 8:41

Cun yah ung Jairus ming nak ciah chang cu gawk lawk ci. Ani cu pum im uk ciah chang ah kyak ci. Bawipa Jesuh ah khaw pei ah m’khukdong ne a im ah a hteh tu vai ah khü ci.

MAKUH 5:22

Tuikem ung a om yah ung Zairus ming nak ciah pum im uk ciah chang vai tumat cu gawk lawk ci.

ROMAN 10:2

Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

LAMKTU 18:17

Ngami naw pum im uk ciah Sosthenes cu pha u netah yung düma ah tuthat ci gui. Cun ung phi Kallio naw i ah kä sui gui ci.

LAMKTU 18:8

Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

LUKA 6:11

Pharisee gui cu ang htei ah thüi ne m’lungshe u netah Bawipa Jesuh ah khan ah a i hawkcha ah bi bi vai ciah ng’ge ci gui.

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

TAIGÜTHUM 23:3

Nangmi ung nami bii nami bi nak vai ah khaw hnüüp chuk om ci. Cun ung phi a hnüüp chih hnüüp kyin hnüüp cu, ng’düm nak ah hnüüp ah nami shüm ba vai. Cun ah hnüüp ung a i kä nami bi vai, khawihnah vai ah nami ng’bum vai. Nangmi a hawi nami om ung phi, kyin hnüüp cu Bawipa ah khäm ah kyak ci.

PHYAWN NAK 23:12

“Hnüüp chuk ung bii nami bi vai, a hnüüp chih hnüüp ung a i kä nami bi en vai. Cun ung nami bii bik ciah nami changshäm gui, khawhei chang gui la nami sei me gui cu ng’düm khai gui.

THULÄÄN NAK 5:13

Nangmi cu hnüüp chuk ung nami bii nami bi vai.

EZEKIEL 34:21

Nangmi naw gaw ciah htome gui cu buh ne angleng ah k’htät u ne, htome ng’bum ung ka su ne nami k’täm ci.