LUKA 12:9 - Cho Bible Common Language 2016

⁹ Chang ah ma ah kei na hnungtuk püi ciah chang cu Khanpughi ah khankho chang ah maa ah Chang ah Htapa naw hnungtuk püi khai.

LUKA 12:9 Referans Kwoze

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

MATTHE 10:33

Cun ung phi chang gui ah ma ah kei na hnu ng’tuk püi ciah chang cu, khankho ka Pa ah ma ah kei naw ka hnu ng’tuk püi khai.

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

MATTHE 7:23

Cun ung phi cun ah chang gui-am, ‘Chang she gui aw, nangmi a i yah ung phi kä ka ning hmat gui man ci nei, ka pei ah kä om ne a hei ah hteit vä!’ cine ka kyak na gui khai.

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.

MATTHE 25:12

Cun ung phi chumah ciah pamihta naw, ‘Nangmi a u gui ang, shoh kä ka ning ak hmawn gui khai nei,’ cine kyak na gui ci.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LUKA 22:57

Cun ung phi Peter naw, “Hnumi hta aw, ani cu kei naw kä ka hmat ci nei” cik ci.