LUKA 12:48 - Cho Bible Common Language 2016

⁴⁸ Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

LUKA 12:48 Referans Kwoze

JAMES 3:1

Ka phäinau gui aw, saya hlük ciah chang kä da-en sä. Nami hmat ah mäih ah mikmi saya gui cu, chang hei gui ah mä, ng’cet pi khai ah m’khoichaa nak mi gah khai nei.

TAIGÜTHUM 5:17

Chang tumat naw kä ngaih-tüh ah Bawipa ah thumkhän tumat mat m’shet ne a kat ah a kyak ung, ani cu cheishoh ciah kyak ci. Ani naw a kat ah phäh ah a pek vai kyak ci.

JOHAN 15:22

Kei naw law ne kä kam thein gui vai sü ung ami katnak kä dang khai sü te; tuhbäi läi ami katnak a u naw phi käm’yih ba hlawt ci gui.

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

LUKA 16:2

Mang naw ani cu khü netah, ‘Nang ah mawng akda ah kang yak ci, na bilawh nak gui cu apüh akheh ah pyang ne law püi ä, nang cu kei ah changvai ah kä na kya ba khai” cine pyen nak ci.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

TITUS 1:3

Akhin küm law khätah, cun ah angtäi ghin nak cu, ang thu awn dang law sak ci. Cun ah Thu Ni cu kei am ana ap ah kyasei, mi Hunbawi Khanpughi ah k’bäi nak awn kei naw ka ng’shäu ci nei.

KHEI NAK 15:27

Chang tumat naw kä ngaih-tüh ah katnak a bi ah a kyak ung ani naw kat-phyawn douthak nak ah kum ät lüng ciah me m’la hta cu a douthak vai.

THULÄÄN NAK 25:2

Chang kaa cu m’ghuih vai ami k’bäi ah a kyak ung, suki naw ani cu ka täng ah mang khai ah ng’yän sak neta m’ghuih khai ah kyak ci. Kut a i chü ah m’ghuih vai cu amät ah bi ah katnak ah ciah kyak khai.

LUKA 12:41

Peter naw, “Bawipa, shin ah m’tumtäng nak cu keimi ah hmawk ah ang? Kä cun ung chang avan ah hmawk ah ang?” cine ng’shik ci.

LUKA 12:49

“Kei cu khomdek khan mei awn ka m’khih khai ah ka lawk ci. Acun ah mei atuhbäi a gawk law vai ah ka ng’ya hlük ci.

MATTHE 23:14

(Thuvi ciah pharisee gui la thukhän saya gui, nangmi ung thüisei nak om ci. Nangmi naw hmeinu gui ah khawh chaam gui cu käng düng ciah lam awn lak pe u netah, chang naw a hmuh ng’yak ung nik khai ah ang sau aih ah nami taigü ci. Acun ah phäh ah nangmi cu nui pi ciah m’kat nak nami gah khai.)