LUKA 12:36 - Cho Bible Common Language 2016

³⁶ Hta m’um nak ah kaa ami bawi law ba ne choh akhäk law ung ng’ghit ah law ne, choh hmawn vai ah ngäng ci gui ah changshäm gui ah mäih ah nami om vai.

LUKA 12:36 Referans Kwoze

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

ISAIAH 64:4

Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

ATÜNNAK 49:18

Na hun nak cu ka ging ci nei, Bawipa.

LUKA 12:35

Nangmi cu ng’düih law ghet vai ah sui-sa u ne, mei m’däi ge ne om vä.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

THU PHLAAN 19:7

Htomehta ah hta m’um nak gawk law pyi ciah kyasei, mi yeikyai ne a hlüngtai nak cu mi m’kümto khai nei. Ceimah khai ah ng’laamihta cu pawng ge ne om ci nei.