LUKA 12:28 - Cho Bible Common Language 2016

²⁸ Zum nak ken ciah chang gui! Tuhngawi ghing ne hnah ci a ngawi ung chawng sei mei maw a uih ah khu m’ghaw gui hngaw Khanpughi naw cun ah am sui m’sak gui ung, nangmi cu acun ah mä bä pi khai ah ning m’sui m’sak gui khai ah kä kya ne ang?

LUKA 12:28 Referans Kwoze

MATTHE 14:31

Cun vai-am Bawipa Jesuh gawk law ne, a kut awn Peter cu pang netah, “Na yum nak ken aih ci nei, a i vai kä na ngaih gep ang,” cine pyen nak ci.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

LUKA 8:25

Bawipa Jesuh naw, “A hawi ang nami yum nak?” ci ne ang düihpüi gui cu pyen na gui ci. Ang düihpüi gui cu cäicat kyikyawk u netah, “Shin ah chang cu a u ang? Kho khi la tui hnawk naw ani ah ng’thu ngai ci gui nei” ci ne ami mät ng’htau ci gui.

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

MATTHE 16:8

Cun ah ami ng’cecäk cu Bawipa Jesuh naw ng’ya gui netah, “A i ah kyasei ei kä nami sho ah mawng pyein ne nami ng’htau ang?

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

ISAIAH 40:6

M’lau ciah k’aw tumat naw, “Ng’thu ng’shäu vä!” ci sei, “A i ng’thu ka ng’shäu vai ang?” cine ng’shi ung. “Shäu vä, hnicim chang avan cu m’ghaw ah mäih ah kyak ci nei; Ngami cu bung hmu ah cheipai ah mäih ah akshou kä om khai gui.

HEBRU 6:7

A khin ung aa ciah kho aa naw m’hlawh sei, lo bik ci gui ah geit thawh sak ciah m’dek ni cu Khanpughi naw m’shumphyuk ci nei.