LUKA 12:20 - Cho Bible Common Language 2016

²⁰ Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

LUKA 12:20 Referans Kwoze

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

JOB 27:8

Khanpughi kaa ah om ci gui cu ami ghin nak Khanpughi naw ak thäh law hnüüp ung a i ngaih u vai om khai aw?

1 TIMOTHI 6:7

Khomdek khan ah mi law sang ung a i nei mi law püi? Khomdek khan ung kaa mi hteh law ba ung mä a i nei mi hteh püi kaw?

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 11:40

Chang shekha gui aw, akpung pyang ci naw akyong phi pyang ciah kä kya ne ang? Nami eikbei, um k’am avan cu dukhaih ci gui-am pe gui vä.

SAM 73:19

Ngami cu ang ghit ah di ci gui; ang khä ah ng’pyi ci gui nei.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

NG'THU K'THUUK~ 11:4

Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

SAM 78:30

Cun ung phi ngami cu kä phü pha u ne, ei ami ei sangung,

ESTA 5:11

Ani naw ngami ah ma ah khähghah ne, a i hlawk ah ang bähmang, a i chü ah a hta, ghangpughang naw hlüng pi ciah bawi ah atha, ahei ghangpughang ah bawi gui ah ta, ani a i hlawk ah a küikyang tuba, gui cu pyen ci.

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.

NG'THU K'THUUK~ 13:7

Chang amshah cu bühmang ciah ng’shei ci, cun ung phi a i kä tak ci. Chang amshah cu pyamtham ciah ng’shei ci, cun ung phi khawh akda tak ci.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

AMOS 6:13

Nangmi naw Lodebar gawnu näng neta nami längtang ci. “Karnaim gawnu khäm vai ah kami khüighat ci nei,” cine nami khäh ghah ci.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.