LUKA 12:17 - Cho Bible Common Language 2016

¹⁷ Cun ah kyasei ka geitkaw gui ni aih ci, a yung ka m’sep khai ang? cine ngaih-tüh khit ci.

LUKA 12:17 Referans Kwoze

MATTHE 5:42

Ning yawi lawk ci-am na peit tu vai, ning pu lawk ci-am nak pu tu vai.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

LAMKTU 16:30

Cun kawn ah ngami cu k’pung ah luh law püi gui netah, “Bawi gui aw, Hun nak ka gah vai ah a i nei ka bi kaw?” cine ng’shi gui ci.

LUKA 19:17

Ghangpughang naw, “Na bä ci, nang cu changshäm k’ni ah na kyak ci, api ung phi na bekhüt ci kyasei, gawnu ghaa na uk vai ka ning pek ci nei” ci nak ci.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

LUKA 16:9

“Cun kawn ah kei naw ka ning m’cäi gui cu, khomdek khawhchaam bühmang nak kawn m’gein sei ng’khawtsheng nak cu bi vä. Cun ung vah cun ah bühmang nak ang pyi law ung, Khanpughi naw nangmi cu ang täi ghin nak ghui im ah ning na dou gui khai.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

LUKA 16:3

Cun ah kya khätah changvai cu, “Kei a i ah ka kyak khai, kei nang naw changvai ungka na na k’täm pyi ci, kei ung m’dek cawh nak hning vai k’thagui kä om ci, ng’yoi ne ka ei vai phi ka ng’aa ci.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

LUKA 12:29

Cun ah kya sei ‘A i ei awk vai’ cine kä nami ng’ä vai, (Khongyo yum ci gui phi angtäi sei acun ah ng’ä ci gui nei.)

LUKA 12:22

Cun kawn ah Bawipa Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

LUKA 11:41

Cun ah nami bi ung nangmi ah hmawk ah avan theingthap khai nei.

LUKA 10:25

Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

LUKA 3:11

Johan naw, “K’htu ng’yung goi om ci naw kä om ci-am ng’yung ät m’thuh tu sä, ei vai om ci naw kä om ci-am m’bei tu sä.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

MATTHE 16:7

Ang düihpüi gui naw, “Mikmi naw ei vai kä mi sho khätah, cun ah a pyein ah kyak khai,” cine ami mät ng’cecäk ci gui.

LUKA 12:16

Cun kawn ah Bawipa Jesuh naw, shin ah m’tumtäng ne m’cäi gui ci, “Hngü ät ung bühmang ciah chang tumat ung ang htei ah nik ciah a kholo om ci.

LUKA 12:18

Cun kawn ah, “Ka khei ak pyim gui phye ne, khei akthai akdäm nu gui ah ka co ba khai. Ka geitkaw gui la ka khawhchaam gui cu, cun ah khei akthai gui ung ka gim khai.