LUKA 12:15 - Cho Bible Common Language 2016

¹⁵ Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

LUKA 12:15 Referans Kwoze

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

NG'THU K'THUUK~ 15:16

Dukhaih ne phi Bawipa kyih aa cicu bühmang neta geinvai ciah ta bä tu ba ci.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

SAM 37:16

Changni tumat ah khawh api cu, changshe avan ah khawh ah ta bä pi ci.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

HABAKKUK 2:9

Nangmi nami ng’yiin ci! kyawi m’sa u ne nami kyong khui nami bühmang sak ci. Nami mät ah kyong bäng ng’ä ai nak la kyihkyawk nak ung a phyawn vai ah nami tha nak ci.

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

JOB 2:4

Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

JOSHUA 7:21

Mi pha ah khawh gui ungka, Babilonian suinu akiom ng’yung ät, ngui pit goi, ghui tawn apit ah vang cu ka hmuk ci. Kei naw cun gui cu ng’ya hlü aih neta ka lak ci nei. Ka phung ah akyong täng ah ka phuh cu nami hmuk khai nei, ngui cu ak um ung om khai nei.”

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

NG'THU K'THUUK~ 28:16

Am lung ngaih ka nik ciah uktu cu m’ghämce ci, Ng’dung nak ka om ciah uktu naw ak shou uk ci.

2 PETER 2:14

Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

LUKA 12:16

Cun kawn ah Bawipa Jesuh naw, shin ah m’tumtäng ne m’cäi gui ci, “Hngü ät ung bühmang ciah chang tumat ung ang htei ah nik ciah a kholo om ci.

1 GHANGPUGHANG GUI 2:40

ang sela ung ng’cum ne, a changshäm gui shui ba khai ah Achish ghangpughang ah om nak Kath ah hteit ci. Ani naw hmu goi neta a im ah law püi ba goi ci.