LUKA 12:14 - Cho Bible Common Language 2016

¹⁴ Bawipa Jesuh naw, “Teihpüi aw, nangmi ah ng’lak ung ng’shä ne nami pa khawh ning k’pai gui vai ah, a u naw kei cu na ghüh ne ang?

LUKA 12:14 Referans Kwoze

ROMAN 2:3

Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!

ROMAN 9:20

Teih püi aw, nang cu a u ah kya ne, Khanpughi cu, cuk chaa na ng’shi hning vai ang! A tüi sho ah chang naw, tüi sho ciah Bawipa cu, “A i ah kya sei, nang naw kei cu shin chaa ah na na tüi sho ang,” cine ng’shi hning khai ang!

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

PHYAWN NAK 2:14

Cun ah chang naw, “A u naw ang nang cu uktu la suki ah a ning hmoh? Egypt chang na ngawn ah mäih ah kei na na ngawn hlük ci ma?” cik ci. Moses cu kyi neta amät ng’htau ne, “Kei ah ka bi cu chang gui naw hmat ci gui kyak ci nei” cik ci.

JOHAN 8:11

Cun ah hnumi naw, “Bawipa, tumat phi kä om ba ci nei” ci ne pyein ci. Bawipa Jesuh naw, “Kei naw phi na katnak kä ka ning m’khoichaa khai, hteit baä, cun kawn ah katnak kä na bi ba vai” ci ne kiak nak ci.)

JOHAN 6:15

Cun ah chang gui naw Bawipa Jesuh cu, ghangpughang ah ling ne k’hmoh lawk khai gui ah hmat netah, amät bäng khomhtung khan ah kai ne om ci.

LUKA 5:20

Bawipa Jesuh naw ami yum nak adäm aih cu hmu netah, shum ciah chang-am,” “Teihpüi awi, na katnak ning k’phiawn pyi nei” ci ne pyen nak ci.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

LUKA 22:58

Cun shäng shäng ba sei, chang tumat naw Peter cu hmu netah, “Nang phi ngami ungka ah na kyak ci” cik ci. Cung ung phi Peter naw, chang aw, kei cu ngami ungka ah kä kiak ci nei” cik ci.

LUKA 12:13

Chang khli ungka chang tumat naw, “Sayapa, kami pa ah khawh kami ng’pai vai ah kei ah hmawk ah na pyein peä” cine Bawipa Jesuh ah k’thäh ci.