Biblia Todo Logo
Bib sou entènèt

- Piblisite -




LUKA 12:1 - Cho Bible Common Language 2016

1 Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

Gade chapit la Kopi




LUKA 12:1
18 Referans Kwoze  

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.


Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.


Thuvi ciah chang gui, nangmi cu khomdek la khankho teng ne kho khi kho k’aa nami hmat ci. A i ah kyasei tuhchü ah a khin m’khoi m’cha ne kä nami hmat hning ang?


Khanpughi kaa ah om ci gui cu m’lungshe lä ci gui, m’kyuk nak ami khan law ung phi m’gein nak ami gah vai ah kä taigü ci gui.


Khanpughi kaa ah om ci gui cu ami ghin nak Khanpughi naw ak thäh law hnüüp ung a i ngaih u vai om khai aw?


a u chang shekha phi ak shou kä yeikyai man ci.


Cun ah kya law khäta Israel ghangpughang naw mang gaw m’kawt cu amät ngäng man ciah a cun ah bawi am uk sak ci. Cun ah bawi cu chang gui naw kai na käläk u sei a cun ung sik ci. Cun cu ghangpughang naw a hmuh law yah ung Elisha naw a pyen ah mäih ah kyak ci.


Kei naw ka mät ah gah ah küikyang aih ciah a mawng cu m’dou ne ka ning pe gui ci: cun cu cacim ung om ciah mäih ah Bawi Khrih cu mikmi ah katnak ah hmawk ah a sih ah mawng;


Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.


Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.


Bawipa cu ang düihpüi gui awn khomhtung ah kaa kyum law ba u ne ak chang khli gui awn ng’düi gi cui. Cun kawn ah Judea khaw ah kaa, Jerusalem ah kaa, la Tire la Sidon pigaw gui ungka chang akchün om ci gui.


Cun ung phi Bawipa Jesuh ah mawng cu thang law pi k’täi khätah, ang thu ngai hlük ci gui la gai nak gah hlük ci gui cu da law pi k’täi ne gawk lawk ci gui.


Kho hnüüp ät ung Bawipa Jesuh cu Kennesaret tuili kem ah ang düih yah ung Khanpughi ah ang thu ngai khai gui ah gawk lawk ci gui.


Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”


Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.


Swiv nou:

Piblisite


Piblisite