LUKA 11:9 - Cho Bible Common Language 2016

⁹ Kei naw akcang ka pyein cu, ng’yoi vä nami ng’yoih ung nami gah khai, shui vä nami shui ung nami hmuk khai, choh cu khäk vä nami khäk ung choh cu ng’hmawng khai.

LUKA 11:9 Referans Kwoze

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

SAM 118:5

Ka khüikha sangung Bawipa cu ka khü ci; Ani naw na m’shang ne, nam hlawt ci.

JEREMIAH 29:12

Cun Kawn ah nangmi naw kei nami na khü khai, Kei ah law ne nami taigü khai, kei naw ka ning m’shan gui khai.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

JAMES 5:15

Cun ah yum nak awn taigü nak naw ak gaw cu gai sak khai nei, Bawipa naw gaigawng nak cu yuk pe ne, a cheishoh nak gui phi m’geinsei khai nei.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

SAM 34:10

Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 34:4

Bawipa ah taigü ngä sei, ani naw nam shang ci; ka kyihkyawk nak gui ung na m’hlawt ci.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

MATTHE 6:29

Cun ung phi ang htei ah bühmang ciah ghangpughang Solomon naw phi, cheipai tumat hta ah mäih ah kyom cicu kä suisa man ci nei, ci cu ka ning m’thein gui ci.

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

MAKUH 13:37

Nangmi ka ning m’cäi gui ah mäih ah chang avan kam cäi ci nei, ngaih na ne ngäng vä” cine pyen na gui ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

THU PHLAAN 2:24

“Cun ung phi ngami ah kawn ah Thiatira ung chang gui naw cun ah shekak ciah m’thei nak cu kä läk ci gui. Chang a hei gui naw Satan ah thuuk ciah a mawng gui ah ami pyein gui cun phi, nangmi naw kä nami m’thei tuk ci. Nangmi ah khan ah a hei phuih gih kä ka taih khai.

SOLOMON NG’Ä~ 5:6

Kei naw ka m’hni ah phäh ah shoh ka hmawng ci, cun ung phi ani cu hteit pyi ci nei. Ani ah k’aw cu kei naw a i hlawk ah ka ng’ya hlük ci ang! Kei naw ani cu ka shui ci, cun ung phi kä ka hmuk ci; Kei naw ani cu ka khü ci, cun ung phi ana m’shan nak kä ka ng’yak ci.

LUKA 11:10

Ng’yoi ci naw gah khai, shui ci naw hmuk khai, choh khäk ci cu hmawn pek khai.