LUKA 11:8 - Cho Bible Common Language 2016

⁸ Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.

LUKA 11:8 Referans Kwoze

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

ROMAN 15:30

Phäi nau gui aw, Bawipa Jesuh Khrit mi yum nak la, Mumcha Theing ah na peit gui ah yumhni nak awn; kei ah hmawk ah kei awn atäng ah Khanpughi ah nami taigü tu vai ah ka ning khü gui ci nei.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

2 KORIN 12:8

Cun gui ana liim pet vai ah Bawipa ah thum vei kak taigü ci nei.

LUKA 11:7

Im mah naw “Kä na k’pam cai gui ä, choh kami khai pyi ci nei, kei ka hta gui awn kami ip pyi ci nei, let law ba ne m’htut kä ka ning hang pe ba hlawt khai nei” cine kyong ah om ne ak pyein khai.

SUKI GUI 14:17

Ani cu mang-ei pawi ah hnüüp chih pum ung cun ah phäh ah kyap ci. A hnüüp chih hnüüp ung, akchu naw naksou na aih khäta, thuzi ah mawng cu m’thein ci. Cun kawn ah akchu naw Philistin gui am m’thein gui ci.

1 SAMUEL 1:12

Hannah cu k’täi ne aksho Bawipa ah taigü ci, Eli naw ani ah m’gawng cu teng ci.