LUKA 11:7 - Cho Bible Common Language 2016

⁷ Im mah naw “Kä na k’pam cai gui ä, choh kami khai pyi ci nei, kei ka hta gui awn kami ip pyi ci nei, let law ba ne m’htut kä ka ning hang pe ba hlawt khai nei” cine kyong ah om ne ak pyein khai.

LUKA 11:7 Referans Kwoze

LUKA 13:25

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.

KALATIAN 6:17

Khüm nak ah: cän kawn ah a u naw phi kä na k’shedam men ah ba sä, a i ah kyasei ci ung ka pumsa ung om ciah kang’gaai gui naw, kei cu Bawi Jesuh ah khlei htein ah ka kyak cu m’dang ci nei.

LUKA 7:6

Bawipa Jesuh cu ngami awn a täng ah hteit tu ne, gawk law ghep ghep u khätah, gabawi naw chang gui am m’cäi law gui ne, “Bawipa, bawngbai ne kä law hnga ä, kei ah kyong khui cu nang awn kä khin ci nei,

MATTHE 25:10

Kä lunglang ci gui cu yinan hleih khai gui ah ami hteh yah ung chumah khai ah pamihta cu gawk lawk ci. Ana ngäng ge ciah lamihta gui cu ani awn a täng ah hta m’um pawi kyong ah lut u netah shoh cu ak khai shüt ci gui.

SOLOMON NG’Ä~ 5:3

Kei cu kä suisa ne ka om pyi ci nei; a i ah kyasei ka suisak ba vai ang? kei cu ka khaw ka m’si pyi ci; A i ah kyasei ka lelawi ba vai ang?

LUKA 11:6

lam hteit te ci ka teihpüi ka im ah gawk law sei ka m’bei tu vai kä om ci nei” cine va pyein khai.

LUKA 11:8

Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.