LUKA 11:44 - Cho Bible Common Language 2016

⁴⁴ Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.

LUKA 11:44 Referans Kwoze

LAMKTU 23:3

Paul naw, “A bauk awn hluk ah k’pang! Nang cu Khanpughi naw ak cang ah ning m’kat khai nei. Nang naw kei cu thukhän teng ne nah na ng’thumcha khai ah pawngpüi lang ne, kei ami na thah vai ah na pyein na hmawk ah thukhän cu nam shet pyi ci nei” cine kyak nak ci.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

KHEI NAK 19:16

Ami ngawn ah ng’saisi, kä cun ung, amät sik ciah chang, käcung, dim si baw tawn ciah chang, aksi ah guh, cimhmun tawn ciah chang cu hnüüp chih ung kä theingthap ci.

MATTHE 13:32

Cun ah anhta ui cu geit m’shi gui nüng ung yaw pibäih ci. Cun ung phi ng’lih pyo ne a ghing gong law ung, a ghing gui avan ung akdäm pibäih ah kya lawk ci. Cun ah kyasei khahta gui cu ang ban gui ung ng’bu tuk ci gui” ciah kyak ci.

EZEKIEL 39:15

Cun ah khopäng ung ngami cu ami kyum kai ung, chang ah guh gui ami hmuh päng ung, ngami naw m’hnüt nak tha shüt ci gui, cun ung ng’phuh hmun co ci gui naw law u ne, Kok ah gakap gui khong nawi ung phuh ci gui.