LUKA 11:42 - Cho Bible Common Language 2016

⁴² “Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

LUKA 11:42 Referans Kwoze

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

LUKA 18:12

Kho hnüüp chih ung hnüüp goi ci, ei hlawi ne ka taigü ci, ka gah phung ah bum ghaa bum ät phi Khanpughi-am ka pek ci,” cine taigü ci.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

MALAKHI 3:8

Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

MATTHE 23:27

“Thuvi ciah pharisee gui la thukhän saya gui, nangmi cu bawk khai ah hluk ah guh-am awn nami täng ci nei, guh-am gui cu ak pung ah teng ung ami kyom ung phi, ak kyong ah gook ah a guh, ak thu gui awn be ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

JOHAN 5:42

Cun ung phi nangmi ah mawng cu ka hmat ci. Nangmi ah m’lung kyong ung Khanpughi yumhni nak kä om ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

NEHEMIAH 10:37

Akum tä sei khäm law htük ah pümhta awn pyan ah m’htut, douthak vai ah sapyitui, oliv situi la aktheih akhtük cu Taigüim ah taigü gui am kami thak khai. Kami lo-pigaw gui ah bum gha bum ät look ciah Levit gui am, kami khaw ung m’thawk ciah geit ah bumgha bum ät cu kami thak gui khai.