LUKA 11:36 - Cho Bible Common Language 2016

³⁶ Akcang ah nami pumsa avan cu ak hmüp kä om ne akdei khang ah a kiak ung, mei k’däi cu nami khan ah dei ne akhang ah mäih ah nami pumsa avan cu dei ne khang khai nei” cik ci.

LUKA 11:36 Referans Kwoze

NG'THU K'THUUK~ 20:27

Bawipa naw m’lung la ngaih cu na pe gui ci. Mi mat naw mi mät kä mi thup hlawt khai.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

MATTHE 5:15

Mei m’däi netah a u naw dawn awn kä uk man ci. Im kyong ah chang avan adei vai ah lung k’pei ung vah mei m’däi man ci gui.

LUKA 11:35

Cun ah kyasei nangmi ung om ciah akdei cu ak hmüp ah kä a kiak en vai ah nami geing nak vai nei.

LUKA 11:37

Bawipa Jesuh cu cun ah ng’thu a pyein kawn ah a im ah ei ei vai ah pharisee tumat naw khü law sei hteit tu ne ei ei vai ah ngo tuk ci.