LUKA 11:35 - Cho Bible Common Language 2016

³⁵ Cun ah kyasei nangmi ung om ciah akdei cu ak hmüp ah kä a kiak en vai ah nami geing nak vai nei.

LUKA 11:35 Referans Kwoze

NG'THU K'THUUK~ 16:25

Dung ciah nami ngaih ah lam naw sih nak ung ning hteh pui gui khai.

2 PETER 1:9

Cun ung phi cun ah hlü nak gui kä om ciah chang cu, ak tawi ah ngai ne, a i kä hmuk ci. Ani cu ayanä ashetkat nak ung kaa theingcim nak agah cu kä shüm ba ciah kyak ci.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

MATTHE 6:22

‘Mik ui cu pumsa ah hmawk ah meidäi ah mäih ah kyak ci. Nami mik ui a ci ung nami pumsa avan dei yawp khai.

LUKA 11:34

Mik cu pumsa ah akdei ah kyak ci. Nami mik a ciah a kyak ung nami pumsa avan khang khai. Nami mik kä a ciah a kyak ung nami pumsa avan hmüp khai nei.

LUKA 11:36

Akcang ah nami pumsa avan cu ak hmüp kä om ne akdei khang ah a kiak ung, mei k’däi cu nami khan ah dei ne akhang ah mäih ah nami pumsa avan cu dei ne khang khai nei” cik ci.