LUKA 11:34 - Cho Bible Common Language 2016

³⁴ Mik cu pumsa ah akdei ah kyak ci. Nami mik a ciah a kyak ung nami pumsa avan khang khai. Nami mik kä a ciah a kyak ung nami pumsa avan hmüp khai nei.

LUKA 11:34 Referans Kwoze

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

SAM 119:18

Ka mik na m’dei sak ä, cun ung na thukhän ung cäicat vai düng nak gui cu kei naw ka hmuk khai nei.

KOLOSE 3:22

Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

MAKUH 8:18

Nami mik om lang sei kä nami hmuk ci ma? Nami hnga om lang sei kä nami ng’yak ci ma?

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

LAMKTU 13:11

Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

EPHESIAN 6:5

Changshäm gui, Bawi Khrit ah khuut nami bi ah mäih ah kyih-aa ne, khüighaat ne nami chang bawi ah thu cu nami läk vai.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

ISAIAH 42:19

Kei ah changshäm ah ta amik mü tuba ci, a u om ne ang? Ka tüih law ah ng’shächang ah ta ak hnga pang tu ba ci, a u om ne ang?

NG'THU K'THUUK~ 28:22

Amät bäng ang bühmang vai tha nak ciah chang naw dukhaih nak naw a thah law vai cu kä hmat ci.

ATÜNNAK 19:11

Cun kawn ah cun ah chang gui cu ami mik m’dauh sak gui ni sei, ngami naw m’kawt kä hmu hlawt ci gui.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.

ISAIAH 5:20

Nami khaw mü ci nei! Nangmi naw akshe cu akni, akni cu akshe ah nami khü ci. Nangmi naw a hmüp cu akdei, akdei cu a hmüp ah nami m’hlat ci. Nangmi naw akha cu ak tui ah pyang u ne, aktui cu akha ah nami pyang ci.

LUKA 11:35

Cun ah kyasei nangmi ung om ciah akdei cu ak hmüp ah kä a kiak en vai ah nami geing nak vai nei.