LUKA 11:26 - Cho Bible Common Language 2016

²⁶ Cun kawn ah a mät ah mä sheka tu ba ci khoshe sing chih va khü tu ba netah, lut ne om ci gui. Cun ah kyasei khoshe ah kai ah chang ah a khüt nak cu, ak htük ah mä ka law pi ci” ci ne m’cäi gui ci.

LUKA 11:26 Referans Kwoze

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

MATTHE 23:15

“Thuvi ciah ah pharisee gui la thukhän saya gui, nangmi ung thüisei nak om ci. Chang tumat a yum law tu vai ah tui kat ne, ng’yung khum ne nami hteit ci. Zum nak ung nami m’hluh tu kawn ah, cun ah chang cu, nami mät ah mä a goi ah shekat pi ne, m’htei kho ah hteit ciah nik khai ah nami pyang ci.

LUKA 11:25

Cun ah kyasei ani cu a om nak man nah law ba ne teng law ba netah theingthap sei hmuk ci.

LUKA 11:27

Bawipa Jesuh naw, cun ah am cäi gui kawn ah chang khli ah ng’lung ung kaa hnumi tumat naw, “Nang ning hta na ne, ning m’ghin ciah hnumi ah khan ah yeikyai nak om sä” cik ci.