LUKA 11:22 - Cho Bible Common Language 2016

²² Cun ung phi ani ah mä k’thagui däm tu ba ciah chang law ne ani cu am khüt näng ah a kyak ung ani ah ngaih u ah likhim gui phi gut yawp ne akhawh cham gui phi gut yawp ne, amät ah chang gui am k’pai gui khai.

LUKA 11:22 Referans Kwoze

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

KOLOSE 2:15

Acun ah kutlamtung khan ah Bawi Khrit naw amät cu, Mumcha uknak ah hlüngtai nak la huham nak gui ungka phiawn sak ci.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

LUKA 11:21

“K’thamah ciah chang naw ak pyu a im a ngäng ung akhawh cham cu ngaih gep ci.

LUKA 11:23

“Kei lam ah kä om ciah chang cu kei na hnungtuk püi ciah kiak ci. Kei awn a täng ah kä ng’bum tuk ciah chang cu pyäi pyah ciah kyak ci.

EPHESIAN 6:11

Khoshe ah thuvi tüihtok nak näng m’khüt nak vai ah, Khanpughi ah ning peik gui ah likhim k’be cu nami awi k’bah vai nei.

EPHESIAN 6:13

Cun ah kyasei Khanpughi ah likhim k’be cu nami awi k’bah vai nei! Cun ung vah shekat geinvai nak ah hnüüp a gawk law ung, gaa ah tuk nak cu nami näng hlawt khai nei. Ng’tuk lu küm sei nami ng’tuk kawn ah nangmi cu nami kho ng’lei ung khüi ne nami ng’düi lawk khai nei.