LUKA 11:2 - Cho Bible Common Language 2016

² Bawipa Jesuh naw, “Nami taigü ung shi chaa ah nami taigü vai; “Khankho ah om ci kami Pa, Na ming theing thang sä, Na uknak gawk law sä, Khankho ah mäih ah m’dek khan ah phi Na ng’yak hlü cu be sä,

LUKA 11:2 Referans Kwoze

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

2 SHONTÄP NAK 20:6

m’lau ne taigü ci, “O Bawipa kami pupa gui ah Khanpughi, nang naw khankho ah ngo ne, khomdek khan ung changpakhui avan cu na uk ci. Nang cu huham mah ne, na m’gäi ci kyasei a u naw kä ning hnungtuk püi hlawt ci.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

PHILIPPIAN 4:20

Mi Pa Khanpughi ung abä khäk nak cu angtäi sei om sä! Amen.

PHILIPPIAN 1:2

Mi Pa Khanpughi la Bawipa Zesuh Khrit naw m’geinsei nak la dimdeeih nak cu ning pe gui sä.

EPHESIAN 1:2

Mipa Khanpughi la Bawipa Jesuh Khrit ah m’gein nak la dimdeeih nak cu nami khan ah om sä!

2 KORIN 1:2

Mi Pa Khanpughi la Bawipa Jesuh Khrih naw m’gein nak la dim nak cu ning pe gui sä.

1 KORIN 1:3

Mipa Khanpughi la Bawipa Jesuh Khrit ah m’geinsei nak la dimdeeih nak cu nami van ah khan ah om sä.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

SAM 57:11

O Khanpughi, na dämduh nak khomik ung m’dang ä, Na bäimang nak m’dek khan ung be sä.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

1 THESSALONIAN 1:1

Paul, Silas la Timothi ni naw — Pa Khanpughi la Bawipa Jesuh Khrit ah chang gui ah kyak ciah, Thessalonika Khrithabum-am ca kami pe lawk ci nei. M’geinsei nak la dimdeeih nak cu nangmi ah khan ah om sä.

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

KOLOSE 1:2

Bawi Khrit ung kawng ät nak awn bekhüt ciah phäi nau ah kyak ciah Kolose gawnu ah Khanpughi ah chang gui-am, ca ami guk law nei. Mipa Khanpughi naw am gein nak la dimdeeih nak cu ning m’shum phyuk gui sä.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

MATTHE 10:32

‘Chang gui ah ma ah kei cu ana Bawipa ah pyein ne, m’dang ne ng’kiaa ciah chang cu, kei naw khankho ka Pa ah ma ah, kakchang nei cine m’dang ne ka pyein khai.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

EZEKIEL 36:23

Kei ah dämduh ciah ka ming theing cu changpakhui gui am akcang ah ka m’dang law ung — ngami ah ng’lung ah nangmi naw nami thui ng’aa sak ah ming — ngami naw kei cu Bawipa ah hmat khai gui. Kei, uktu Bawipa naw ka pyen nei. Kei ka theingcim ah mawng changpakhui gui am m’dang vai nangmi cu ka ning mang gui khai nei.

SAM 108:5

O Khanpughi, Khankho mik ah na dämduh nak dang sak ä, khomdek khan ung na bämang nak be sä.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

2 GHANGPUGHANG GUI 19:19

Tuhbäi, Bawipa mi khanpughi naw, Assirian gui ah kut ungka na gung gui ci nei. Cun ah kyasei khaw ah ka ung chang pakhui avan naw O Bawipa, nang bäng Khanpughi ah na kyak ciah hmat ci nei.

1 GHANGPUGHANG GUI 8:43

ani ah taigü cu ngaih pe ä. Khankho ah a hawn ung na om ung phi ng’yak peä, na bi pek vai ah a ning thäh phi bi peä, cun ung khaw ah khan ung om ciah a ning thäh phi bi peä, cun ung khaw ah khan ung om ciah chang van naw, na chang Israel gui ah mäih ah, ning hmat khai gui, na ng’thu phi ngai khai gui nei. Cun kawn ah nang ning khawihnah nak vai ah hmun ah kyak khai ah shin ah Taigüim kei naw ka cawh cun phi hmat khai gui nei.

TAIGÜTHUM 22:23

Pängye douthak nak ah nangmi naw kä ng’müi ci, kä cung kä kümbe ciah seime phi, nami thak hning ci, cung phi cun cu shaitak ah kumbe nak ah douthak ah kä kyak ci.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

LUKA 11:1

Kho hnüüp ät ung Bawipa Jesuh cu amät taigü ne om ci. Ak taigü yawp kawn ah ang düihpüi tumat naw, “Bawipa, Johan, naw ang khahpüi gui-am am thein gui ah mäih ah taigü vai na m’thein gui ä” cik ci.