LUKA 10:7 - Cho Bible Common Language 2016

⁷ Nami om nak tu ah im ung ami ning m’bei m’awk tu gui nami ei awk tu vai, a i ah kyasei ci ung bi bik ci naw ng’cheng gah khai ah kyak ci. Nami om nak tu htük ah im ungka naw, a hei im ah kä nami ng’plon-en vai.

LUKA 10:7 Referans Kwoze

2 TIMOTHI 2:6

Khüghaat ne kholo ciah chang naw väi lawk ciah geit cu, khäm ba ma khai ah kyak ci.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

LUKA 9:4

Nami gawk nak ah pigaw ah ning dou gui sei nami kai nak ma ah im ung kä nami hteh ba pha ah chuih nami om tu vai.

MAKUH 6:10

A i pigaw ah phi nangmi ning dou gui htük ciah im cu, kä nami ng’plon taak vai. Kä nami hteh ba pha ah chuih acun ah im ung nami om tu vai.

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

LAMKTU 16:34

Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

LAMKTU 16:40

Paul la Silas cu thawng ungka lut law ba ni ne, Lidia ah im ah hteit ci goi. Cun kawn ah yum ciah phäi nau gui awn ng’hmuh u netah, thamah nak ah thu ani pyein kawn ah cun ah gawnu ungka naw hteit ba ci goi.

LUKA 10:6

Cun ah im ung dim deeih nak ng’ya hlük ci a om ung, nangmi ah taigü cu ani ah khan ah gawk khai. Cun ah mäih ah chang a u kä ah om ung nami k’taigü nak cu nami mät ung gawk law ba khai.

KHEI NAK 18:31

Nang la na kyong chang naw pawih ba cicu a hawi phi nami ei vai, a i ah kyasei ci ung cun cu Phung bi nami bi ah a phu ah kyak ci.

THULÄÄN NAK 18:8

Ani cu a hei taigü gui ah gah chü ei gah tuk khai. Ak kyong chang gui naw ami m’khäh law phung cu ani naw khäm khai.