LUKA 10:42 - Cho Bible Common Language 2016

⁴² Mari naw aknipi ghü pyi ci, cun cu a u naw kä gut hlawt khai” cik ci.

LUKA 10:42 Referans Kwoze

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

SAM 73:25

Nang ah kawn ah khan kho ah kei ah hmawk ah a u om ne ang? Nang ka ning yak hlü ah mäih ah ka ng’yak hlü khomdek khan ah a i om ne ang?

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

MAKUH 8:36

Chang cu khomdek khan avan a uk ung phi, a hnun gui adi maih ung ninak bänak a i om khai yaw?

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

THULÄÄN NAK 30:19

Kei naw tuhbäi nami ghü vai ah ghin nak la sih nak, Khanpughi ah hriham la Khanpughi ah plah taam nak, ka ning pe gui ci. Nangmi naw ghü nak nami bi ung saksi khai ah khankhaw la khomdek ka khü ci. Ghin nak cu ghü vä.

SAM 119:30

Ng’thu ngaih nak vai cu ka ghü pyi ci nei; na m’khoi m’cha nak cu ka läk ci nei.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

SAM 119:111

Na thumkhän gui cu ng’täi ciah ka khawh cham ah kyak ci; cun gui cu ka m’lung kyong ah yei nak ah kyak ci.

1 KORIN 13:3

Kei ung om ciah khawh avan pe ne, ka pumsa mei ung m’khih hning ne Khähghah nak hlü vai ah ka ap ung phi, kei ung m’hni nak kä a om ung, kei ung bä nak kä om ci.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

JOSHUA 24:22

Joshua naw ngami am, “Akcang ah nangmi ung nami mät cu saksi ah kia u ne, nangmi naw Bawipa ah bii bi vai ah nami ghü ci nei” ci na gui ci. Ngami naw, “ä, keimi cu saksi gui nei” cik ci gui.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

SAM 119:173

Ang täi sei na na m’htei ge khai ah om ä, a i ah kyasei ci ung kei naw na thumkhän cu ka läk ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

LUKA 16:2

Mang naw ani cu khü netah, ‘Nang ah mawng akda ah kang yak ci, na bilawh nak gui cu apüh akheh ah pyang ne law püi ä, nang cu kei ah changvai ah kä na kya ba khai” cine pyen nak ci.

LUKA 10:39

Mahta ung Mari ming nak ciah a nau tumat om ci. Ani cu Bawipa ah pei ah ngo ne ang thu ngai ci.

LUKA 11:1

Kho hnüüp ät ung Bawipa Jesuh cu amät taigü ne om ci. Ak taigü yawp kawn ah ang düihpüi tumat naw, “Bawipa, Johan, naw ang khahpüi gui-am am thein gui ah mäih ah taigü vai na m’thein gui ä” cik ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

JOHAN 11:1

Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci.

JOHAN 11:19

Jew chang gui akda cu Mari la Mahta ani be ah sih nak ah law u ne thüi tu püi ci gui.

JOHAN 12:3

Cun yah ung Mari naw ang htei ah a phu küi ciah Naduh tuing’ui awn Bawipa Jesuh ah akho cu hluk netah, alusam awn htuut ne ghu pek ci.