LUKA 10:41 - Cho Bible Common Language 2016

⁴¹ Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

LUKA 10:41 Referans Kwoze

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

MAKUH 4:19

Cun ung phi pumsa ah ghin nak vai ah hmawk ah ng’ä ai nak gui, ng’bühmang nak hlü gui, la a hei ng’yak nak hlü gui naw ang thu ng’yak cu shungshet ci gui. Cun ah kya ne kä m’theih tak hlawt ci.

LUKA 12:22

Cun kawn ah Bawipa Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

THUSHÄUTU 6:11

Na ng’cucan law pik’täi ung, akholä ah kya law pik’täi ci, nang ung ani nak pi a i kä om lawk khai.

LUKA 10:38

Bawipa Jesuh la ang düihpüi gui cu lam ami hteh nak ah pigaw tumat ung gawk lawk ci gui. Cun ah pigaw ung Mahta ming nak ciah hnumi tumat naw dou ne khin na gui ci.

LUKA 10:40

Mahta cu khinchah nak gui vai bilo tawtlaw aih netah Bawipa ah ma ah, “Bawipa, ka nau Mari cu khin chah nak vai bilawh avan, kei bäng am na bilawh sak ci kyasei, law ne ana bilawh law püi vai ah pyein ä,” cik ci.

JOHAN 11:1

Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci.

JOHAN 11:5

Bawipa Jesuh naw Mahta la Mari ni Lazaruh ni cu m’hni gui ci.

JOHAN 12:2

Bawipa Jesuh-am mü-ei m’bei vai ah Mahta naw ei loi ne chang ci. Bawipa Jesuh awn a täng ah vun ne, Lasaruh phi ei vai tuk ci.