LUKA 10:31 - Cho Bible Common Language 2016

³¹ Taigüpa tumat cu cun ah lam ung hteit ne ani cu hmuk ci, Cun ung phi lek ne hteh tak ci.

LUKA 10:31 Referans Kwoze

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

RUT 2:3

Ruth cu lo ah hteit tu ne, bii bik ci gui ah hnu ah läk tuk ci, ngami naw ami hma shut ah htang vui gui cu shui tuk ci. Cun ah ani ah bi nak tu cu kä ngaih-tüh ah Baoz ah lo ah kya lawk ci.

2 SAMUEL 1:6

Ani naw, “Kei cu Kilboa M’htung khan ah ka hang gawk düt ci. Saul cu ak htei ung ng’düh sei ka hmuk ci. Yatha ng’cum ci la ng’se ung cun ci gui naw khaai ci gui.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

LUKA 10:30

Bawipa Jesuh naw, “Hnüüp ät ung chang tumat cu Jerusalem ah kaa Jerikho ah a hteh nak lam ah, m’guk ei gui naw hmu u netah asuisak a khawh avan gut u ne, m’ghuih yät yät ne m’shäm shüt u sei, kä sih kä ghin ah a na ng’yän ci.

LUKA 10:32

A cun ah mäih ah levi chang tumat cun phi law ne, leim ciah chang cu hmu ne teng netah lek ne hteh tak ci.