LUKA 10:30 - Cho Bible Common Language 2016

³⁰ Bawipa Jesuh naw, “Hnüüp ät ung chang tumat cu Jerusalem ah kaa Jerikho ah a hteh nak lam ah, m’guk ei gui naw hmu u netah asuisak a khawh avan gut u ne, m’ghuih yät yät ne m’shäm shüt u sei, kä sih kä ghin ah a na ng’yän ci.

LUKA 10:30 Referans Kwoze

SAM 88:4

Kei cu chang hei gui ah mäih ah ka si tuk khai ah kyak ci nei; ka thagui avan maih pyi ci nei.

LUKA 18:31

Bawipa Jesuh naw, ang düihpüi gui gha-lei-goi cu khü gui netah, “Ngai vä, mikmi cu Jerusalem ah mi hteit lawk ci. Chang ah Htapa ah mawng profet gui naw ami guk ah mäih ah kümbe lawk khai nei.

LUKA 19:28

Acun kawn ah Bawipa Jesuh cu Jerusalem ah hteh vai ah amät ma ne hteit ci.

EZEKIEL 30:24

Cun kawn ah kei naw Babilonia ghangpughang ah kut gui cu khüighat sak ne, ani ah kut ung ka khimsem cu ka tha pek khai. Cun ung phi kei naw Egypt ghangpughang ah kut gui cu ka cheiuh hnget khai, ani cu a ga gui ah ma ah ng’hlo ei ne sik khai.

JEREMIAH 51:52

Cun ah kyasei kei naw Babilonia a gup gui ka ng’thumcha nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp cu gawk lawk ci nei.

NG’ÄI KYAH 2:12

Ngami cu cawi u ne gha u ne ami nu gui ah ma ah kyap ci gui. Ngami cu lam gui ung kyu ne ng’yän u ne leimbai ci gui ah mäih ah kyak ci gui. Ami nu gui ah ban ung a kyäp kyäp ah sik ci gui.

LUKA 10:31

Taigüpa tumat cu cun ah lam ung hteit ne ani cu hmuk ci, Cun ung phi lek ne hteh tak ci.