LUKA 10:28 - Cho Bible Common Language 2016

²⁸ Bawipa Jesuh naw, “nang cu na hman ci, acun ah na bi ung ang täi ghin nak na gah khai nei” cik ci.

LUKA 10:28 Referans Kwoze

EZEKIEL 20:11

Kei naw ka thumkhän gui pe gui ne, ka thukhän gui ka m’thei gui ci, acun gui läk ciah chang phung cu ghin nak ung hteh püi ci.

TAIGÜTHUM 18:5

Kei naw ka ning pek gui ah om ih la thukhän gui cu nami läk vai; a cu cha ah bi ne nami hnun gui cu nami hun vai nei, kei cu Bawipa nei.”

MATTHE 19:17

Bawipa Jesuh naw, “Nang naw nik ciah bi ah mawng a i ah kiasei kei na nang shi ang? Changnitumat bäng nei om ci, Nang cu ang täi ghin nak na gah hlü ung thukhän cu na läk vai,” ci ne kiak nak ci.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

KALATIAN 3:12

Cun ung phi thukhän cu yum nak awn api ah phi kä ng’pha ci. Cacim ung, “Thukhän ung om ci phung-läk ciah chang cu ghing khai nei,” ciah om ci.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

LUKA 7:43

Simon naw, Ngui akdäm pi a nawng peit ah chang naw yei na pi khai ah ka ngai ci” cine pyein ci.

MAKUH 12:34

Ani naw cun ah hmuhmat nak awn a pyein cu Bawipa Jesuh naw hmat netah, “Nang cu Khanpughi ah kho awn kä nani ng’shawng ba ci nei” cine pyen nak ci. Cun kawn ah a u naw phi Bawipa Jesuh cu kä ng’shi ba yäi ci gui.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

THULÄÄN NAK 6:24

Mi Bawipa Khanpughi naw shin ah thukhän gui avan läk ne, mi m’tamkhah vai ah na thumkhän gui ci nei. A cun ah mi bi ah a kyak ung, ani naw mi khaw chang ah khan ah akphlüt sei na ngäng gui khai, ng’bühmang nak awn na k’pang gui khai.

NG'THU K'THUUK~ 19:16

Khanpughi ah thukhän gui cu nak pan vai, Cun ung akshou na ghing khai, na nawng dut ung lai na sik khai nei.

ROMAN 7:10

Cun kawn ah kei cu ka sik ci. Kei naw ka ghing nak vai ah pyein ah thukhän naw kei cu na sih sak ci nei.