LUKA 10:25 - Cho Bible Common Language 2016

²⁵ Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

LUKA 10:25 Referans Kwoze

LUKA 18:18

Jew changvai tumat naw, “Nik ciah saya aw, angtäi ghin nak gah vai ah a i ang ka bi kaw” cine Bawipa Jesuh cu ng’shi lawk ci.

KALATIAN 3:18

A vai sü ah Khanpughi ah m’shumphyuk nak cu thukhän ung düi ciah a kyak ung, cun cu shaitaak ung düi ciah kä kya ba khai. Cun ung phi Khanpughi naw a shaitaak awn Abraham cu, cun ah am shumphyuk ah kyak ci.

LUKA 7:30

Cun ung phi Pharisee gui la ng’thukhän hmat ci gui läi cu, Khanpughi ah ng’yak hlü nawng ci gui ah kya ne, Johan ah tuihnim nak cu maa nak ci gui.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

MAKUH 12:28

Cun ah Bawipa Jesuh la Sadducee gui ami ng’thu yah ung, ami pei ah thukhän saya tumat om tuk ci. Ani naw Sadducee gui-am Bawipa Jesuh naw akni ah m’hlan ne am thein gui cu ng’ya netah, Bawipa Jesuh ah pei ah law ne, “Thukhän gui nüng ung ak küikyang pi cu a i ang?” cine ng’shik ci.

LUKA 10:24

Kei naw akcang ka pyein cu, profet gui la ghangpughang gui naw, nangmi ah hmuh gui shi hmu hlü te ci gui, cun ung phi kä hmu hlawt ci gui. Nangmi ah ng’yak gui shi ng’ya hlü te ci gui, kä ng’ya hlawt ci gui” cik ci.

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

JOHAN 8:6

Ngami naw Bawipa Jesuh cu m’kat hlü guih u netah, a i ah a pyein law hman ah cine, ami m’nüm nak ah kyak ci. Cun ung phi Bawipa Jesuh cu kawp netah, a kut khiu awn m’dek chüüt ne gu ne ngok ci.

MAKUH 10:3

Bawipa Jesuh naw, “Moses naw a i cha ah ang thukhän a ning peit gui” ci ne ng’shi tu ba gui ci.