LUKA 10:16 - Cho Bible Common Language 2016

¹⁶ Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

LUKA 10:16 Referans Kwoze

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

MATTHE 10:40

‘Nangmi ning dou gui cicu kei na dou ciah kyak ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

JOHAN 12:48

Kei na hnu ng’tuk püi ne kei ah ng’thu kä ngai ciah chang m’khoichak khai tumat om ci. Akhnu hnüüp ung kei ah ng’thu cu cun ah chang m’khoichak ciah bawi ah kyak khai.

JOHAN 12:44

Bawipa Jesuh naw, akdäm ah m’lau ne a pyein cu, “Kei na yum ci cu kei bäng na yum ciah kä kyak ci, kei na tüi lawk ci phi yum ciah kyak ci.

MAKUH 9:37

‘Kei ah ming awn shin ah mäih ah ak hmaw dou ciah chang cu kei na dou ciah kyak ci. Kei na dou ciah chang cu kei bäng na dou ciah kä kyak ci, kei na tüi lawk ci phi dou ciah kyak ci” cine kyak na gui ci.

MATTHE 18:5

Kei ah ming awn shin ah mäih ah ak hmawhta dou ciah chang cu, kei na dou ciah kyak ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

LAMKTU 5:4

Shin ah lai kä na yawih pha ung phi na mät ah ka ah kyak ci, shin ah lai na yawih kawn ah phi lai ah phu ngui cu na mät ah ka ah kyak ci, cun ah kya lang sei, a i vai cun ah na ngaih tüh ang? Nang cu chang nam hleei ciah kä kyak ci, Khanpughinam hleei ciah kyak ci nei” cine pyen nak ci.

LUKA 9:48

Cun kawn ah Bawipa Jesuh naw, “Kei ah ming awn shin ah ak hmaw dou ci cu, kei na dou ciah kyak ci, kei na dou ciah chang cu, kei na tüi lawk ci dou ciah kyak ci, Nangmi ungka ak yaw pi k’bäih cu ak bä pi k’bäih ah kyak ci” cik ci.

KHEI NAK 16:11

Nangmi naw Aaron hnungtuk püi ne chiu nami m’da cu akcang ah Bawipa nami hnungtuk püi ciah kyak ci. Cun ah kyasei nang la na hnu läk ci gui cu nami küknet ciah kyak ci.”

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

PHYAWN NAK 16:7

Khaw ngawi hta ung pying ne ng’shü ciah Bawipa ah akdei cu nami hmuk khai nei. Ani hnungtuk püi ne ng’thu nami m’da cu ani naw ng’yak ci nei ä, nami hnungtuk püi ci, a i ah kyasei ci ung, keimi cu ani ah m’shüm thein nak kami phui ciah kami kyak ci” cik ci.

KHEI NAK 14:2

Ngami naw Moses la Aaron cu hnungtuk püi u ne chiu m’da ne ami pyen cu, “Egypt khaw ah kä cun ung, shin ah bung ung sih cu bä tuba khai nei.

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

KALATIAN 4:14

Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.