LUKA 10:15 - Cho Bible Common Language 2016

¹⁵ Aw Kapernaum gawnu! Nang cu khankho ah gawk khai ah m’hlüngtai vai na ng’ya hlük ci ang? nang cu m’htei kho ah ning yuk buh hlit vai nei” cik ci.

LUKA 10:15 Referans Kwoze

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

LUKA 13:28

Nangmi naw Khanpughi ah uknak kho ah Abraham, Isaak la Jakob ni, profet ni gui cu, hmu tu lang u ci sei, akpung ah ami ning k’täm gui ung nami haa kyeet ne, kyap ne m’lau ne nami kyak khai nei.

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

OBADIAH 1:4

Na im cu hmu kiung ah ng’bu ah mäih ah hlüng khai ah na cawh ung phi, cun naw aisi gui a han pha ung phi, kei naw ka ning buh tawn khai nei.

EZEKIEL 32:27

Ngami cu ca akhin ung chang m’gäi gui m’tamkhah nak pe ne ami phuh gui man ah mäih ah kä ami m’taam gui ah kyak ci, cau ka gui cu ami lu ah ka ah ami khimsem tha u ne, ami pum ah khan ah ami shawi tha u sei sih nak ah khaw ah hteit ci gui ah kyak ci. Shin ah chang m’gäi gui cu chang ghing gui naw hnü ät ami kyih vai ah huham ah man ci gui ah kyak ci.

EZEKIEL 32:20

“Egypt chang gui cu ng’tuk nak ung ami ngawn gui awn atäng ah ng’kiak khai gui nei. Khimsem cu ngami ami van ngawn gui ge khai ah om ci nei.

EZEKIEL 32:18

Ani naw pyen ci, “Hnicim chang, “Egypt chang gui avan ah phäh ah thüisei ä. Ngami cu a hei huham ah ciah pakhui gui awn atäng ah sih nak khaw ah tüi gui ä.

EZEKIEL 31:18

“Sing ghing cu Egypt ghangpughang la a chang gui avan ah kyak ci. Eden ung sing ghing gui pang hngaw cun hlawk ah kä ng’ng’shäi ci gui, kä bä ci gui. Cun ung phi tuhbäi, ani cu Eden ung sing ghing gui ah mäih ah sih nak ah khaw ah zu kya ne, Khanpughi ka ah kyak ci gui la ng’tuk nak ung ami ngawn gui awn ng’dawn tuk khai gui. Kei ah thu pyen nei” cine uktu Bawipa naw pyen ci.

EZEKIEL 26:20

Cau pui akhin ge ung ana om ciah chang gui ung nami ng’dawn tuk khai ah kei naw nangmi cu sih nak ah khaw ah ka ning tüi gui khai. Kei naw nang cu khomdek ka, angtäi di nak ah khaw ah aksi gui awn ng’pang ne nami om khai ah ka ning om sak khai. Ak hnu ah nang cu kä na om tu ba khai, ghin nak ah khaw ung hmun kä na gah tu ba khai.

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

ISAIAH 5:14

M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

ATÜNNAK 11:4

Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;