LUKA 10:14 - Cho Bible Common Language 2016

¹⁴ M’khoichaa nak ah hnüüp ung nangmi ah mä Tire la Sidon ah khan ah Khanpughi ah m’gein nak cu ng’dang tu ba khai nei.

LUKA 10:14 Referans Kwoze

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

ROMAN 2:27

Nang mi Jew chang gui cu, gu ne tai ah thukhän la vun-ah nak cu gah tu pang u ne phi, thukhän cu nami m’shet ci nei. Chang khui hei gui cu pumsa awn vun-ah nak kä a mi bi ung phi, thukhän cu läk ci gui nei. Cun ah kya sei nangmi Jew chang gui cu, chang khui hei gui naw nami katnak ning m’khoichaa gui khai gui nei.

JOHAN 3:19

Hma ci m’kat ne m’khoichaa nak ah mawng cu; akdei cu khomdek khan ah gawk lawk ci. Cun ung phi akshe ah om ci gui ah chang gui cun naw, akdei ah mä ak hmüp cu m’hni pi ci gui.

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.