LUKA 10:13 - Cho Bible Common Language 2016

¹³ Aw Chorayin! Nang ah phäh ah kyikyawk aih vai kyak ci nei, Aw Bethsaida! Nang ah phäh ah phi kyikyawk aih vai kyak ci nei. Nangmi ung bilawh gui ah cäi aih vai gui cu, Tire la Sidon gawnu gui ung bilawh vai sü ung, cun ah gawnu gui cu a cau ä pui ge ung ng’yu nak sui sui ne m’vut khui ung ngo ne ng’yu ba pyi khai sü gui ah kyak ci.

LUKA 10:13 Referans Kwoze

EZEKIEL 26:1

Omktu ah kami hteh nak akum gha lei ät nak, a cha ät nak ah a hnüp ät nak ung, Bawipa naw na ng’thu püi ci.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.