LUKA 1:8 - Cho Bible Common Language 2016

⁸ Hnüüp ät ung Zechariah cu Taigüim kyong ah taigü ah bi cu bi ba ci.

LUKA 1:8 Referans Kwoze

2 SHONTÄP NAK 8:14

Apa David naw am hnüt bäi shüt ah läk vai gui cu läk ne, Taigü gui naw a hnüüp tä ami bi gui vai la ng’äi awm m’cu u ne, taigü gui ah bi düh shawn ci gui ah Levit gui ah bi gui vai cu täntai pe gui ci. Khanpughi ah chang David ah thumkhän ah mäih ah, ani naw Taigüim ngäng ciah chang gui naw am kawt päng ung, a hnüüp tä ami bi gui vai cu täntai pe gui ci.

1 SHONTÄP NAK 24:19

Shin ah chang gui cu ami bilawh vai ah aci ah ami ming ami guk gui, Taigüim ah hteit u ne, ami pupa Aaron naw Bawipa Israel Khanpughi ah thumkhän läk ne am hnütbäi ah bi lawh gui vai cu ami bi lawh vai ah kyak ci.

2 SHONTÄP NAK 31:2

Ghangpughang Hezekiah naw taigü gui la Levit gui ah ami ng’bunghtawi nak phi m’hnüt pyan pe gui ci, acun ah ka ah tumat ci naw ng’shung khai ah ami bi vai kyak ci. Acun ung m’khih ne douthak nak la khawtsheng douthak nak, Taigüim kyong ah khawihnah nak ung bi amshah la Taigüim avan ung m’hlümtai nak la yeikyai nak gui om ci.

LUKA 1:5

Judea kho ung Herod ghangpughang naw a uk sang ung Taigü kyong chang Zechariah ming nak ciah taigü om ci. Ak chu cun phi taigü kyong ungka Eliyabeth ming nak ciah kyak ci.

EZRA 6:18

Jerusalem Taigüim khawihnah nak ung Moses ah ca uk ung m’shümthein nak ah mäih ah tängpang khai ah taigü gui la Levit gui phi tha gui ci.

2 SHONTÄP NAK 31:19

Taigü ah ng’lung ah Amon ah hta ng’shon gui am ami pek ah mang gaw gui ung phi kia, cun ah mang gaw gui ah pang khaw hmin gui ung phi kia, om ciah taigü naw ei vai tei tawng ci gui Ngami naw taigü kyong pami avan la Levit pahta kyong ungka päng am pek ci gui.

2 SHONTÄP NAK 11:14

Levit gui cu ami ng’khüüikhaw gui la a hei ami khaw gui nawng shüt ne, Judah la Jerusalem ung ng’plon ci gui, a i ah kyasei ci ung Ghangpughang Jeroboam la a htangshon gui naw Taigü ah kya ne Bawipa ah bii kä ami bi sak gui ah phäh ah kyak ci.

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

PHYAWN NAK 30:30

Cun kawn ah Aaron la a hta gui cu, phyutheh gui ne taigü ah kya ne ka khuut bik khai gui ah phyisä gui ä.

PHYAWN NAK 29:44

Phung la sonkiang cu ka theingciim sak khai, Aaron la a hta gui cu taigü ah kya u ne, kei ah bii ami bi vai ah ka ng’düih sak gui hnga khai.

PHYAWN NAK 29:9

Ami khei ung m’ciusam awn khih sak gui ne, lukhu phi ng’bün sak gui vai. Cun cu nang naw Aaron la a hta gui na phyutheh gui ah kyak ci. Ngami la ngami ah hta ng’shon gui naw taigü ah kya ne ngawi yä ka bii bik khai gui.

PHYAWN NAK 29:1

“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.

PHYAWN NAK 28:41

Shin ah sui gui cu na phäi Aaron la a hta gui am na m’sui gui vai. Olive situi awn phyisä gui ne, na phyutheh gui vai. Cun ung ngami naw taigü ah kya ne ka bii bik khai gui.

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

1 SHONTÄP NAK 24:2

Adab la Abihu cu ani pa kä a sih pha ung sik ci goi, ngani cu ani hta kä om ci, cun ah kyasei ani nau goi Eleazar la Ithamar cu taigü ah kya ba ci goi.

LUKA 1:7

Ngani cu ghi law pyi ci goi, Eliyabeth kä hta sei ani hta kä om ci.